მერაბ დვალიშვილმა დღეს RAF-ის ღონისძიებაზე იასპარეზა. კლივლენდში გამართულ ივენთზე UFC-ის ქართველი მებრძოლი მსუბუქი წონის crossover-ის საჩემპიონო შეხვედრაში ჰენრი სეხუდოს დაუპირისპირდა და წააგო.
შეხვედრის დასრულების შემდეგ მერაბმა კომენტარი გააკეთა:
“მე მიყვარს გამოწვევები, ამ შეხვედრაში თავად ჰენრი სეხუდომ გამომიწვია და დავთანხმდი. როგორც იცით, ახლა UFC-ის საჩემპიონო ბრძოლისთვის ვემზადები, სეხუდო თავისუფალ ჭიდაობაში ოლიმპიური ჩემპიონია,თუმცა მიზეზებს არ ვეძებ, ეს გამართლება არაა,დღეს მან დამამარცხა.
მოდი, გავმართოთ ტრილოგია ჭიდაობაში.
ეს ჭიდაობაა 10-ჯერ რომ შევხვდეთ განსხვავებულ შედეგს მივიღებთ. მე მებრძოლი ვარ და ჩხუბში მეფე ვარ, დღეს აქ ის იყო მეფე,” - განაცხადა მერაბ დვალიშვილმა.
შეგახსენებთ, მერაბ დვალიშვილი RAF-ის ივენთზე სეხუდოს მეორედ შეხვდა. 11 ივლისს თბილისში ქართველმა მებრძოლმა ოლიმპიურ ჩემპიონთან მოგება დაძაბულ დაპირისპირებაში შეძლო, მერაბი 0:8 აგებდა, თუმცა საბოლოოდ 11:8 გაიმარჯვა.
დვალიშვილი - სეხუდოს პირველი დაპირისპირება MMA-ში შედგა, 2024 წლის 17 თებერვალს, UFC 298-ზე ქართველმა აშშ-ის სახელით მოასპარეზე ჰენრი სეხუდოს მოუგო.
მერაბ დვალიშვილი UCF-ის ჩემპიონის ქამრის დასაბრუნებლად ემზადება, სატიტულო ბრძოლაში ქართველი 24 ოქტომბერს იანს დაუპირისპირდება.
