ჩელსიში მომდევნო სეზონისთვის მზადებას აგრძელებენ. მას შემდეგ, რაც გუნდი ლიამ როსენიორმა დატოვა, გუნდი კვლავ კალუმ მაკფარლეინმა ჩაიბარა, თუმცა ეს დროებითია, რადგან მიმდინარე სეზონი როგორც კი დასრულდება, ლონდონურ კლუბში ახალი მთვარი მწვრთნელი მივა.
ვინ შეიძლება ჩაიბაროს ჩელსი მომდევნო სეზონში?
გასულ თვეში ლონდონურ კლუბს 5 მთავარი მწვრთნელი დაუკავშირეს, დღეს კი მე-6 ვარიანტიც გამოჩნდა, კერძოდ ჩავი ერნანდესის სახით, თუმცა კლუბთან დაახლოებულმა წყაროებმა ეს ინფორმაცია მალევე უარყვეს — ჩელსი ჩავისთან მოლაპარაკებებს არ აწარმოებს.
ზემოხსენებული წყაროების ინფორმაციით, ჩელსის სიაში ამჟამად 3 კანდიდატურა რჩება: ჩაბი ალონსო (უგუნდოდ), ანდონი ირაოლა (ბორნმუთი) და მარკო სილვა (ფულემი). რაც შეეხება სესკ ფაბრეგასს, ესპანელი დიდი ალბათობით კომოში დარჩება.
ინფორმაციისთვის იმასაც გეტყვით, რომ ანდონი ირაოლა მიმდინარე სეზონის ბოლოს ბორნმუთს ოფიციალურად დატოვებს და დიდი შანსია მსგავსი რამ მოხდეს მარკო სილვას თავსაც, რადგან პორტუგალიელი სპეციალისტი ფულემის დატოვებას სერიოზულად განიხილავს.
ჩელსის უფროსობასა და ზემოხსენებულ მწვრთნელებს შორის პირველი კონტაქტი უკვე შედგა, ზაფხულის მოახლოებასთან ერთად კი გავიგებთ ვინ იქნება ლონდონური კლუბის #1 სამიზნე.
