დღეს გაიმართება ჩემპიონთა ლიგის 1/4 ფინალური შეხვედრა მადრიდის რეალსა და არსენალს შორის. მოგეხსნებათ, ამ გუნდების პირველი მატჩი ლონდონში შედგა და არსენალის გამარჯვებით 3:0 დასრულდა.
განმეორებითი მატჩის წინ კომენტარი სამეფო კლუბის მთავარმა მწვრთნელმა კარლო ანჩელოტიმ გააკეთა.
"ბერნაბეუს სტადიონს თავისი მაგია აქვს. აქ შეგვიძლია, რომ ნებისმიერ მეტოქესთან სასურველ შედეგს მივაღწიოთ, რადგან ატმოსფერო და გულშემატკივრები დიდ მუხტს გვაძლევენ. მათი გულშემატკივრობა ვალდებულს გვხდის, ბოლომდე დავიხარჯოთ და გავიმარჯვოთ..
გამონაკლისი არც არსენალთან მატჩი უნდა იყოს. საქმე რთულადაა, მაგრამ უნდა დავამტკიცოთ, რომ ყველაფერი შეგვიძლია და ქამბექისთვის მზად ვართ"
მადრიდის რეალის ერთ-ერთი ლიდერი ჯუდ ბელინგემიც იმ იმედითაა, რომ თავისი გუნდი დღევანდელ მატჩში სასურველ შედეგს მიაღწევს.
"ვფიქრობ, რეალს შეუძლია, რომ ამ რთული სიტუაციიდაან თავი დააღწიოს და ქამბექი გააკეთოს. ეს არის ღამე, რომელიც ჩვენთვისაა შექმნილი და ისტორიას უნდა დარჩეს.
რეალმა ჩემპიონთა ლიგაზე უკვე ბევრჯერ გააკეთა ისეთი რამ, რაც სხვებმა ვერ შეძლეს და ყველაფერს გავაკეთებთ, რომ დღევანდელი საღამოც ისტორიული გახდეს"
