ენტონი გორდონი კარიერას გააგრძელებს ბარსელონაში, რომელსაც მისი ტრანსფერი 80 მილიონი ევრო დაუჯდა. ის არის რიგით მეშვიდე ყველაზე ძვირადღირებული შენაძენი კატალონიელთა ისტორიაში. ინგლისელ ვინგერზე მეტი გადახდილი იქნა მხოლოდ უსმან დემბელეში, ფილიპე კოუტინიოში, ანტუან გრიზმანში, ნეიმარ ჟუნიორში, ფრენკი დე იონგსა და ლუის სუარესში.
უახლოეს მომავალში "ბლაუგრანაში" შეიძლება ვიხილოთ კიდევ ერთი ძვირადღირებული ახალწვეული - ხულიან ალვარესი. შეგახსენებთ, რომ მოლაპარაკებები აქტიურ ფაზაშია და არგენტინელ ფორვარდს მადრიდის ატლეტიკოს დატოვება მტკიცედ აქვს გადაწყვეტილი. ქვემოთ კი შეგიძლიათ იხილოთ კამპ ნოუს მკვიდრთა ყველაზე ძვირადღირებული ტრანსფერების 10-ეული.
ბარსელონას ყველაზე ძვირადღირებული 10 ტრანსფერი Transfermarkt-ის მიხედვით
| ფეხბურთელი | ღირებულება | წინა კლუბი | წელი |
| უსმან დემბელე | 148 მილიონი ევრო | დორტმუნდი | 2017 |
| ფილიპე კოუტინიო | 135 მილიონი ევრო | ლივერპული | 2018 |
| ანტუან გრიზმანი | 120 მილიონი ევრო | ატლეტიკო | 2019 |
| ნეიმარ ჟუნიორი | 88 მილიონი ევრო | სანტოსი | 2013 |
| ფრენკი დე იონგი | 86 მილიონი ევრო | აიაქსი | 2019 |
| ლუის სუარესი | 81.7 მილიონი ევრო | ლივერპული | 2014 |
| ენტონი გორდონი | 80 მილიონი ევრო | ნიუკასლი | 2026 |
| ზლატან იბრაჰიმოვიჩი | 69.5 მილიონი ევრო | ინტერი | 2009 |
| დანი ოლმო | 61 მილიონი ევრო | ლაიფციგი | 2024 |
| მირალემ პიანიჩი | 60 მილიონი ევრო | იუვენტუსი | 2020 |
