საქართველოს ეროვნული ნაკრების მთავარმა მწვრთნელმა, ალეკსანდარ ჯიკიჩმა, ეროვნული გუნდის მოსამზადებელი შეკრების პარალელურად, ოთარ ქორქიასა და ნოდარ ჯორჯიკიას სახელობის სპორტის სასახლეში მასშტაბური სამწვრთნელო სემინარი ჩატარდა.
სემინარი ჯიკიჩის ინიციატივითა და საქართველოს კალათბურთის ეროვნული ფედერაციის ორგანიზებით გაიმართა.
ეს იყო რიგით მესამე სემინარი, რომელიც ჯიკიჩმა თბილისში ადგილობრივ მწვრთნელებს ჩაუტარა. ღონისძიების მთავარ მიზანს ქართველი მწვრთნელებისთვის თანამედროვე საკალათბურთო მეთოდოლოგიის, ტაქტიკური ტენდენციებისა და მაღალი დონის გუნდის მართვის პრინციპების გაზიარება წარმოადგენდა.
სემინარს 60-ზე მეტი ლიცენზირებული ქართველი მწვრთნელი დაესწრო. ღონისძიებას კომპლექსური ხასიათი ჰქონდა - ალეკსანდარ ჯიკიჩთან ერთად მომხსენებლის ამპლუაში ეროვნული ნაკრების მთლიანი სამწვრთნელო შტაბი წარდგა — ანატოლი ბოისა, მარკო ესპოსიტო, ფილიპ მიხაილოვიჩი და ნიკოლოზ ცინცაძე.
