საქართველოში ახალი, ინოვაციური პროექტი ჩამოყალიბდა. საფეხბურთო სკოლა ლისი შეიქმნა 2025 წლის ნოემბერში და ამ მცირე დროში უკვე ორი ასაკობრივი გუნდი ჩამოყალიბდა - U6 და U8. რეგისტრაცია ჯერ კიდევ მიმდინარეობს და საკმაოდ დიდი მოთხოვნაა. ძირითადად, ხდება 5-დან 12-წლამდე ბაშვების მიღება.
მომზადება მიმდინარეობის უეფას განვითარების მეთოდით. კერძოდ, ყველა ასაკს აქვს ეტაპი, რაზეც ბავშვმა უნდა ივარჯიშოს. მაგალითად, 8 წლის ბავშვმა უნდა ივარჯიშოს დრიბლინგზე და დარტყმაზე, უფრო პატარა ასაკის ბავშვებს გართობითი ვარჯიშები უნდა ჰქონდეს. სხვა სკოლებისგან განსხვავებით, ლისის საფეხბურთო სკოლა გამორჩეული სწორედ იმითაცაა, რომ ვარჯიშები უეფას პროგრამით მიმდინარეობს.
ამასთან ერთად არის მეორე ინოვაციური პროექტი - ინდივიდუალური მომზადების ცენტრი ლისი. საქართველოში პირველი შემთხვევაა, როცა ბავშვებს პოზიციების მიხედვით მოამზადებენ - მეკარის მეკარის ვარჯიშები ექნება, მცველს მცველის, თავდამსხმელს თავდამსხმელის და ა.შ.
ამ გამორჩეული პროექტის დამფუძნებელი ყოფილი ფეხბურთელი ნოდარ მაჭავარიანია, რომელსაც სამწვრთნელო მუშაობის 8 წლიანი გამოცდილება აქვს.
ნოდარ მაჭავარიანი თავის დროზე რუსთავის ოლიმპში, ქუთაისის ტორპედოში და ლოკომოტივში თამაშობდა. ოლიმპთან ერთად საქართველოს ჩემპიონიც გახდა.
"ლისის ტერიტორიაზე ამ პროექტის დაწყება იმიტომ გადავწყვიტეთ, რომ მსგავსი რამ ამ ტერიტორიაზე არ იყო. არ გვინდა, რომ იქ ბავშვები ფეხბურთის გარეშე დარჩნენ, განვითარდნენ და კარგ მოთამაშეებად ჩამოყალიბდნენ. ამისთვის ინდივიდუალური ვარჯიშები აუცილებელია. ჩემი 8 წლიანი სამწვრთნელო კარიერა მაჩვენებს, რომ საფეხბურთო სკოლა და ინდივიდუალური მომზადება აუცილებელია ყველა მოთამაშის განვითარებისთვის.
ჩვენთან ყოველ ვარჯიშზე 4 ბავშვზე მეტი არ არის, რაც ასევე ინოვაციურია, რადგან სხვაგან თითო ჯგუფში მინიმუმ 10 ბავშვია ხოლმე. როცა თითო ვარჯიშს 4-ზე მეტი ბავშვი არ ესწრება, მათთვის უფრო გასაგები და პროდუქტიულია ის ვარჯიშები, რასაც ჩვენ ვატარებთ. უფრო კონკრეტულად რომ ვთქვათ, ინდივიდუალური ვარჯიშები პოზიციების მიხედვით ცალკ-ცალკე, ერთ ბავშვთან მიმდინარეობს, ხოლოდ ჯგუფურ ვარჯიშებს მაქსიმუმ 4 ბავშვი ესწრება", - გვითხრა ნოდარ მაჭავარიანმა.
Instagram: FC Lisi - საფეხბურთო სკოლა ლისი
Facebook: FC Lisi - საფეხბურთო სკოლა ლისი
მისამართი: 6 ლეო კვაჭაძის l ჩიხი, Tbilisi, ლისის მიმდებარეტერიტორია
