დარასელიას თასის გათამაშებაში 6 გუნდი მონაწილეობს: დინამო თბილისი, თბილისის ლოკომოტივი, იუვენტუსი (იტალია), უოტფორდი (ინგლისი), ვალენსია (ესპანეთი) და გალათასარაი (თურქეთი).
25 აგვისტოს, დინამო თბილისმა, მეორე მატჩი იუვენტუსის წინააღმდეგ ჩაატარა და კვლავ დამაჯერებელი ანგარიშით გაიმარჯვა (1:3). აღსანიშნავია, რომ დინამო თბილისის აკადემიამ უკვე გამართულ 2 მატჩში 6 გოლი გაიტანა და მხოლოდ 1 ბურთი გაუშვა.
25 აგვისტოს, დინამო თბილისმა, მეორე მატჩი იუვენტუსის წინააღმდეგ ჩაატარა და კვლავ დამაჯერებელი ანგარიშით გაიმარჯვა (1:3). აღსანიშნავია, რომ დინამო თბილისის აკადემიამ უკვე გამართულ 2 მატჩში 6 გოლი გაიტანა და მხოლოდ 1 ბურთი გაუშვა.
შეხვედრაში ანგარიში ძალიან სწრაფად გაიხსნა, როდესაც მე-3 წუთზე, ლუკა ციკოლიამ საჯარიმო დარტყმა ბრწყინვალედ შეასრულა. მე-9 წუთისთვის, ნიკოლოზ ჩიქოვანის აქტიურობას, იუვენტუსის მხრიდან საკუთარ კარში ჩაჭრილი ბურთი მოჰყვა. ტაიმის მიწურულს, იუვენტუსმა ერთი ბურთის გაქვითვა შეძლო, თუმცა 44-ე წუთზე შოთიკო დიაკონიძემ მატჩის საბოლოო ანგარიშს წერტილი დაუსვა (1:3).
დღესვე გაიმართა მეორე მატჩიც, სადაც ვალენსიამ გალათასარაი ასევე უხვგოლიან შეხვედრაში, ანგარიშით 4:1 დაამარცხა, რითაც ჯგუფური ეტაპი დასრულდა.
ჯგუფური ეტაპი 23, 24 და 25 აგვისტოს გაიმართა, 26 აგვისტოს კი მეოთხედფინალებია დაგეგმილი: 18:00 საათიდან, უოტფორდი - გალათასარაის შეხვდება, ხოლო 21:00 საათიდან, ლოკომოტივი - იუვენტუსს.
1/2 ფინალში, უოტფორდსა და გალათასარაის შორის გამარჯვებული ვალენსიას გაუწევს მეტოქეობას, ხოლო ლოკომოტივსა და იუვენტუსს შორის გამარჯვებული - დინამო თბილისს.
ვიტალი დარასელიას სახელობის საერთაშორისო ტურნირზე ტაიმი 35 წუთს გრძელდება. გათამაშების არსებობის განმავლობაში პირველად, მატჩები სრულად ბუნებრივსაფარიან მოედნებზე იმართება: ილია კოკაიას სახელობის საფეხბურთო ცენტრსა და საგურამოში, ს.კ ლოკომოტივის საფეხბურთო ბაზაზე.
შეხვედრების პირდაპირი რეპორტაჟების ხილვა საქართველოს პირველ არხზეა შესაძლებელი.
ტურნირის ფორმატი: გუნდები A და B ჯგუფში ნაწილდებიან, პირველადგილოსნები ნახევარფინალური ეტაპის საგზურს ავტომატურად მოიპოვებენ, მეორე და მესამე ადგილზე გასული გუნდები ჯვარედინული პრინციპით (A2-B3; B2-A) ერთმანეთს მეოთხედფინალში დაუპირისპირდებიან. მეოთხედფინალის გამარჯვებულები ბრძოლას თასისთვის განაგრძობენ, დამარცხებულები კი ერთმანეთს მე-5 ადგილისთვის მატჩში შეხვდებიან. ჩატარდება მე-3 ადგილისთვის შეხვედრაც.
