ლონდონის არსენალი გახდა პრემიერ ლიგის გამარჯვებული, რიკარდო კალაფიორი კი რიგით მესამე იტალიელი ფეხბურთელი, ვინც ეს ტიტული მოიგო. პირველი ინგლისის ჩემპიონი "აძურიდან" იყო მარიო ბალოტელი, რომელიც ხსენებულ ჯილდოს დაეუფლა მანჩესტერ სიტიში, 2011/12-ის სეზონში.
იმის შემდეგ, პრემიერ ლიგა 13 წლის განმავლობაში რჩებოდა იტალიელი ტრიუმფატორის გარეშე, სანამ ეს ტიტული გასულ სეზონში ფედერიკო კიეზამ არ მოიგო. იყვნენ კიდევ არაოფიციალური ჩემპიონები, ანუ მოთამაშეები, რომლებსაც ოქროს მედალი არ ერგოთ. მიზეზი: 10-ზე ნაკლები ჩატარებული შეხვედრა ინგლისის ჩემპიონატის სეზონში.
დიახ, ძველი წესების თანახმად, პრემიერ ლიგის ოქროს მედალი რომ მიგეღო, სეზონში მინიმუმ 10 მატჩი უნდა ჩაგეტარებინა. ამ წესს "შეეწირა" მასიმო ტაიბი (მანჩესტერ იუნაიტედი, 1999/00), კარლო კუდიჩინი (ჩელსი, 2004/05, 2005/06), ფედერიკო მაკედა (მანჩესტერ იუნაიტედი, 2008/09) და ფაბიო ბორინი (ჩელსი, 2009/10).
რაც შეეხებათ იტალიელ მწვრთნელებს, ვინც გახდნენ პრემიერ ლიგის გამარჯვებულები - კარლო ანჩელოტი (ჩელსი, 2009/10), კლაუდიო რანიერი (ლესტერი, 2015/16), რობერტო მანჩინი (მანჩესტერ სიტი, 2011/12) და ანტონიო კონტე (ჩელსი, 2016/17).
