მსოფლიო ჩემპიონატის მეოთხედფინალში გველის მეგობრების შეხვედრა - კილიან მბაპე აშრაფ ჰაკიმის წინააღმდეგ. ინტერ მილანიდან პარი სენ-ჟერმენში გადასვლის შემდეგ, მაროკოელ განაპირა მცველს უჭირდა ადაპტაცია ახალ გარემოში და ყველაზე მეტად მას სწორედ ფრანგი ფორვარდი დაეხმარა.
"პარი სენ-ჟერმენში გადასვლის შემდეგ, თავს უცხოდ ვგრძნობდი. ყველაფერი იყო ახალი - უცხო ენა, გარემო, გუნდში არავინ მიცნობდა. მბაპე აღმოჩნდა ჩემი საყრდენი და მეგობარი, რომელმაც პსჟ-ში თავი მაგრძნობინა ისე, როგორც საკუთარ სახლში", - განაცხადა მაროკოს ეროვნული გუნდის კაპიტანმა.
ისინი ერთმანეთს შეხვედრილან 2022 წლის მსოფლიო ჩემპიონატის ნახევარფინალშიც, სადაც გამარჯვებული საფრანგეთის ნაკრები გამოვიდა. წაგების მიუხედავად, აფრიკელებმა მიაღწიეს ისტორიულ შედეგს: პირველი ეროვნული გუნდი "შავი კონტინენტიდან", რომელიც მუნდიალის 1/2 ფინალში გავიდა.
"ატლასის ლომები" ამ მიღწევასთან ახლოს არიან წლევანდელ მსოფლიო ჩემპიონატზეც, ამისთვის კი საჭიროა ტურნირის ერთ-ერთ მთავარ ფავორიტებთან, "მამლებთან" მოგება. აქვე დავამატებთ, მოჰამედ უაჰბის შეგირდებმა ბრძოლას უკვე გამოთიშეს ნიდერლანდები და მუნდიალის თანამასპინძელი კანადა.
