ბრაზილიის ნაკრების მთავარ მწვრთნელს, კარლო ანჩელოტის ჰკითხეს, ადევნებდა თუ არა ის თვალს რეალ მადრიდისა და მანჩესტერ სიტის პირველ 1/8 ფინალურ შეხვედრას. იტალიელ სპეციალისტს არ გამოჰპარვია "სამეფო კლუბის" წარმატება, რომელშიც მთავარი როლი 3 გატანილი ბურთით ფედერიკო ვალვერდემ შეასრულა.
"ვალვერდეს წარმატებული თამაში არ გამკვირვებია. ჯერ კიდევ მაქვს მწვრთნელის ლიცენზია და მაღალი დონის ფეხბურთელების შერჩევა არ მეშლება. ფედე საოცარი მოთამაშეა, მაგრამ 3 ბურთი? მართლაც ფანტასტიკა იყო. მან გააკეთა წარმოუდგენელი რამ და ცხადია ურუგვაელმა შუახაზელმა მოლოცვა ჩემგანაც მიიღო.
რა ვუთხარი რეალის ვიცე-კაპიტანს? სამწუხაროა, რომ მას ბრაზილიის პასპორტი არ აქვს. დიახ, ჩემს ნაკრებში მას დაუფიქრებლად წავიყვანდი. ვიცი მადრიდელთა მე-8 ნომრის შესაძლებლობები და მერწმუნეთ, ის კიდევ არაერთხელ გაგვაოცებს. "
