დიდი გამარჯვების მიუხედავად, არგენტინის ეროვნული ნაკრები დიდ სკანდალში გაეხვა. როგორც ირკვევა, მატჩის შემდეგ, როდესაც ფეხბურთელები ავტობუსით სტადიონს ტოვებდნენ, ენცო ფერნანდესმა სოციალურ ქსელ ინსტაგრამში ლაივი ჩართო, რა დროსაც არგენტისის ფეხბურთელებმა ერთ-ერთი ყველაზე მძიმე რასისტული სიმღერის შესრულება დაიწყეს. მათი სამიზნე საფრანგეთის ეროვნული ნაკრები იყო — ფერნანდესის მიერ ჩართულ ლაივში გარკვევით ისმის ტექსტი, სადაც საფრანგეთის ნაკრების ფეხბურთელებს რასისტულ შეურაცხყოფას აყენებენ: "ისინი თამაშობენ საფრანგეთში, მაგრამ წარმოშობით ანგოლიდან არიან. მათი მშობლები ნიგერიიდან არიან, მამები კი კამერუნიდან, თუმცა პასპორტი ფრანგული აქვთ", - ასეთი შინაარსის შეძახილებს იყენებდნენ "ალბისელესტეს' ფეხბურთელები.
ამ ფაქტთან დაკავშირებით, საფრანგეთის ფეხბურთის ფედერაცია აცხადებს, რომ ისინი არგენტინის ფეხბურთის ფედერაციის წინააღმდეგ სასამართლოში სარჩელს შეიტანენ, კერძოდ რასობრივი და დისკრიმინაციული ხასიათის შეურაცხმყოფელი გამონათქვამებისთვის.
ამ ფაქტიდან სულ რამდენიმე საათში, ჩელსის ფეხბურთელებმა აქსელ დისასიმ, მალო გუსტომ და უესლი ფოფანამ ენცო ფერნანდესს ინსტაგრამზე გამოწერა გაუუქმეს. ფოფანა ამ არც ისე სასიამოვნო ფაქტს, სოციალურ ქსელშიც გამოეხმაურა. როგორც ცნობილია, ამ ვიდეოსთან დაკავშირებით გამოძიება ჩელსიმაც დაიწყო.
იხილეთ ვიდეო:
🚨 Here's the video of Argentina players singing a racist song about Mbappé and France.
— Transfer News Live (@DeadlineDayLive) July 16, 2024
Part of the lyrics:
“They play for France but they are from Angola
His mother is Nigerian,
His father Cameroonian,
But on the passport: French.”
(🎥 @SelecaoTalk)
pic.twitter.com/h4x3TEW3kT
