ზინედინ ზიდანი საფრანგეთის ნაკრების მთავარ მწვრთნელად ოფიციალურად დაინიშნა. ამ ფაქტთან დაკავშირებით Adidas-მა გააცოცხლა 1990-იანი წლების ერთ-ერთი ყველაზე ცნობილი სარეკლამო კამპანია, რომლის მთავარი სახე სწორედ ფრანგი ფლეიმეიქერი იყო. 1998 წლის ზაფხული, მარსელის ქუჩებში ჩნდება პოსტერი "მამლების" ლიდერის გამოსახულებით.
თავდაპირველი გეგმის მიხედვით, ბანერის გამოყენების ვადა განკუთვნილი იყო სულ რაღაც ერთი თვით, 1998 წლის მსოფლიო ჩემპიონატის მსვლელობის პერიოდში, მაგრამ "ლურჯების" ტრიუმფის შემდეგ, პოსტერი იქცა მარსელის სავიზიტო ბარათად და ხელუხლებელი 3 წლის მანძილზე რჩებოდა.
2001 წელს, Adidas-მა წარმოადგინა ახალი ბანერი, რომელიც თავის ადგილზე რჩებოდა 2006-მდე - ნაცნობი ქალაქი, ქუჩა და რაც მთავარია, საფრანგეთის ეროვნული გუნდის მე-10 ნომერი. 20 წლის შემდეგ, გერმანულმა კომპანიამ წარმოადგინა ახალი პოსტერი, რომელზეც ერთმანეთს წარსული და აწმყო შეურია.
ბანერზე ვხედავთ ზიზუს, როგორც ფეხბურთელის რანგში, ისე მწვრთნელისაც, სლოგანით - "როგორც პირველად". ასე იქცა 1998 წლის მუნდიალისთვის განკუთვნილი სარეკლამო პოსტერი მარსელის სავიზიტო ბარათად და როგორც ვხედავთ, ის აქტუალურია დღემდე, 28 წლის შემდეგაც.
