1982 წლის შემდეგ, არ ყოფილა მსოფლიო ჩემპიონატის ისეთი ფინალი, სადაც მიუნხენის ბაიერნისა და მილანის ინტერის მინიმუმ ერთ ფეხბურთელს არ ჰქონოდეს ნათამაშები. ეს ტრადიცია გრძელდებოდა 44 წლის მანძილზე, დასრულდება კი დღეს, არგენტინისა და ინგლისის 1/2 ფინალური შეხვედრით.
საქმე ისაა, რომ ესპანეთის სახით, მსოფლიო ჩემპიონატის ერთი ფინალისტი უკვე ცნობილია, ამ ნაკრების შემადგენლობაში კი "რეკორდმაისტერისა" და "ნერაძურის" ფეხბურთელები არ თამაშობენ. 1-1 წარმომადგენელი ჰყავს როგორც "ალბისელესტეს" (ლაუტარო მარტინესი), ისე ბრიტანელთა გუნდსაც (ჰარი კეინი).
მათ შორის ერთი გავა ფინალში, მეორე კი ტურნირს გამოეთიშება, რაც ნიშნავს იმას, რომ ალიანც არენას ბინადრებსა და ინტერს შორის ასევე ერთი კლუბი დარჩება. ქვემოთ შეგიძლიათ იხილოთ ბაიერნისა და მილანელთა მოთამაშეების ქრონოლოგია მუნდიალის მთავარ შეხვედრაში.
ბაიერნისა და ინტერის ფეხბურთელები მსოფლიო ჩემპიონატების ფინალში 1982 წლიდან
| ფინალი | ბაიერნის ფეხბურთელი | ინტერის ფეხბურთელი | წელი |
| იტალია 3:1 გერმანია | პოლ ბრაიტნერი, კარლ-ჰაინც რუმენიგე, ვოლფგანგ დრემლერი | გაბრიელე ორიალი, ალესანდრო ალტობელი, ჯუზეპე ბერგომი | 1982 |
| არგენტინა 3:2 გერმანია | დიტერ ჰიონესი, ნორბერტ ედერი, ლოთარ მათეუსი | კარლ-ჰაინც რუმენიგე | 1986 |
| გერმანია 1:0 არგენტინა | კლაუს აუგენტალერი, იურგენ კოლერი, შტეფან როიტერი | ლოთარ მათეუსი, იურგენ კლინსმანი, ანდრეას ბრემე | 1990 |
| ბრაზილია 0:0 (პენ. 4:2) იტალია | ჟორჟინიო კამპოსი | ნიკოლა ბერტი | 1994 |
| საფრანგეთი 3:0 ბრაზილია | ბიქსენტ ლიზარაზუ | რონალდო ნაზარიო, იური ჯორკაეფი | 1998 |
| ბრაზილია 2:0 გერმანია | ოლივერ კანი, იენს იერემისი, ტომას ლინკე | რონალდო ნაზარიო | 2002 |
| იტალია 1:1 (პენ. 5:3) საფრანგეთი | ვილი სანიოლი | მარკო მატერაცი | 2006 |
| ესპანეთი 1:0 ნიდერლანდები | მარკ ვან ბომელი, არიენ რობენი | უესლი სნეიდერი | 2010 |
| გერმანია 1:0 არგენტინა | ფილიპ ლამი, მანუელ ნოიერი, ტონი კროოსი, ბასტიან შვაინშტაიგერი, ტომას მიულერი, მარიო გიოტცე, ჟერომ ბოატენგი | როდრიგო პალასიო | 2014 |
| საფრანგეთი 4:2 ხორვატია | კორენტინ ტოლისო | ივან პერიშიჩი, მარსელო ბროზოვიჩი | 2018 |
| არგენტინა 3:3 (პენ. 4:2) საფრანგეთი | კინგსლი კომანი, დაიო უპამეკანო | ლაუტარო მარტინესი | 2022 |
| ესპანეთი - არგენტინა/ინგლისი | ჰარი კეინი (?) | ლაუტარო მარტინესი (?) | 2026 |
