ჟერომ ბოატენგი აქტიურ ფეხბურთს უბრუნდება — ვეტერანი გერმანელი მცველი იტალიაში რამდენიმე საათის წინ ჩაფრინდა. 35 წლის ფეხბურთელი სალერნიტანას წარმომადგენლებს დღეს შეხვდება. მხარეები 6-თვიან კონტრაქტზე მუშაობენ და დიდი ალბათობით, შეთანხმებასაც მიაღწევენ.
2023 წელს ბოატენგი თავისუფალი აგენტი გახდა, როდესაც ლიონმა კონტრაქტი აღარ გაუხანგრძლივა. შემდეგ იყო ბაიერნში დაბრუნების მცდელობა, თუმცა საბოლოოდ ტუხელმა მის ტრანსფერზე უარი განაცხადა. ამის მიუხედავად, მთელი ეს პერიოდი ბოატენგი ბაიერნის ბაზაზე ვარჯიშობდა.
სერია A ბოატენგების ოჯახს კარგად იცნობს — ჟერომის უფროს ძმას, კევინ-პრინსს იტალიაში თამაშის დიდი გამოცდილება აქვს.
Serie A
ჟერომ ბოატენგი სერია A-ში ტრანსფერს უახლოვდება
