ზინედინ ზიდანს თავისი კარიერის მანძილზე არაერთი ლეგენდარული ფეხბურთელის გვერდით უთამაშია. საინტერესოა, რომ მათ შორის ყველაზე ტექნიკურ მოთამაშედ ვეტერანი ფრანგი ფლეიმეიქერი თანამემამულე ტიერი ანრის მიიჩნევს. მან ეს მადრიდის რეალსა და ლონდონის არსენალს შორის 19-წლის წინანდელი გამართული დუელის შემდეგ განაცხადა.
2005/2006 წლების სეზონის ჩემპიონთა ლიგის მერვედფინალში "სამეფო კლუბმა" "მეთოფეებთან" სწორედ ფრანგი თავდამსხმელის გოლით წააგო. ფრანგმა ფორვარდმა "ბლანკოსს" შეუგდო ბერნაბეუზე, საპასუხო შეხვედრაში კი უგოლო ფრე დაფიქსირდა. იმის შემდეგ, "კანონირები" და რეალი ერთმანეთს 19 წლის მანძილზე არ შეხვედრილან.
"ყველაზე ტექნიკური მოთამაშე, ვისაც ოდესმე ფეხბურთი უთამაშია? ჩემთვის, ასეთი ანრი არის. როდესაც ჩემპიონთა ლიგის მერვედფინალში შევხვდით არსენალს, ამ ყველაფერში კიდევ ერთხელ დავრწმუნდი. ტიტი იმ დაპირისპირებაში უბრალოდ შეუჩერებელი იყო."
დღეს, მადრიდელები ლონდონელებს კვლავ უპირისპირდებიან. შეგახსენებთ, რომ აღნიშნული გუნდების პირველ დუელში მოქმედი ჩემპიონი "სამეფო კლუბი" "მეთოფეებთან" 0:3 განადგურდა. ინგლისური კლუბი მთავარი გმირი აღმოჩნდა დეკლან რაისი, რომელმაც მეტოქეს ორი ჯარიმა შეუგდო.
