ალავესისა და ბარსელონას შეხვედრა რობერტ ლევანდოვსკის ბენეფისად იქცა, რომელმაც მოწინააღმდეგეს ჰეთ-თრიკი შეუსრულა. გამოსარჩევია ის ფაქტი, რომ პოლონელმა ფორვარდმა ეს სულ რაღაც 32 წუთში გააკეთა. ნამდვილად საოცარი შედეგია, მაგრამ არა საუკეთესო კატალონიური კლუბის ისტორიაში.
"ბლაუგრანას" ისტორიაში ყველაზე სწრაფი ჰეთ-თრიკის ავტორი არის სამუელ ეტო'ო, რომელმაც 2008 წელს, ალმერიას სამი გოლი 24 წუთში გაუტანა. კამერუნელი ფორვარდის შემდეგ მოდის ხუსტო ტეხადა, რომელმაც 1954 წელს სოსიედადს 3 ბურთი 28 წუთში შეუგდო. 3-ეულს კი ხურავს ლეო მესი, 2011 წელს, მალიორკას ჰეთ-თრიკი მან 30 წუთში შეუსრულა.
აქვე დავამატებთ იმასაც, რომ ბასკების კარში გატანილი სამი გოლის შემდეგ, "ლურჯ-ბროწეულისფრების" თავდამსხმელმა გადაასწრო ერლინგ ჰოლანდს და ევროპის ტოპ 5 ლიგის საუკეთესო ბომბარდირი გახდა. ბარსას 9-იანის ანგარიშზე არის 12 ბურთი, ნორვეგიელი ფორვარდის ანგარიშზე კი - 11.
1. სამუელ ეტო'ო - 24 წუთი;
2. ხუსტო ტეხადა - 28 წუთი;
3. ლიონელ მესი - 30 წუთი;
4. რობერტ ლევანდოვსკი - 32 წუთი;
