ჩემპიონთა ლიგის საკვაფლიფიკაციო ეტაპზე იბერიამ პირველი რაუნდი წარმატებით გადალახა და ფლორა ორი მატჩის ჯამში 5:4 დაამარცხა.
მატჩის შემდეგ, LaGazzetta.ge-სთან კომენტარი გუნდის კაპიტანმა გიორგი ჯინჯოლავამ და შემტევმა ზვიად ნაჭყებიამ გააკეთეს.
გიორგი ჯინჯოლავა: "პირველ რიგში, მადლობას ვუხდი ხალხს მოსვლისთვის და გულშემატკივრობისთვის. ორივე მატჩში ფლორას პირველ ტაიმში ვაჯობეთ, მეორე ტაიმში კი პრობლემები შეიქმნა და ამ პრობლემების გამოსწორებაზე უნდა ვიზრუნოთ. ჩვენი მიზანი თავიდანვე ჯგუფში შესვლა იყო, პირველი ეტაპი გავლილია, მიზანი მიზნად რჩება და ვეცდებით, რომელიმე ტურნირის ჯგუფში შევიდეთ. სლოვანი ძლიერი გუნდია, ფავორიტი იქნება, მაგრამ ჩვენ გზას არ გადავუხვევთ და მაქსიმუმს გავაკეთებთ."
ზვიად ნაჭყებია: "მნიშვნელოვანი გამარჯვება იყო როგორც ჩვენთვის, ისე სრულიად საქართველოსთვის. ანგარიში თამაშის მიმდინარეობას არ ასახავდა, მაგრამ საბოლოოდ, გასვლას მაინც ჩვენ ვიმსახურებდით. ჩემი გოლი რომ გაუქმდა, გული დამწყდა, მაგრამ მთავარია, გავიმარჯვეთ და შემდეგ ეტაპზე გავედით. სლოვანი ძლიერი გუნდია, თუმცა არ ვფიქრობ, რომ რაიმე უპირატესობა აქვთ. ეს ფეხბურთია და შანსები 50-50-ზე იქნება. ყველაფერს გავაკეთებთ, რომ ევროტურნირებზე ვითამაშოთ. გულშემატკივარს მოვუწოდებთ, მოვიდნენ სტადიონზე, მათი მხარდაჭერა გვჭირდება"
