როგორც მოსალოდნელი იყო, მატჩზე დასასწრები აბსოლუტურად ყველა ბილეთი გაყიდულია, რაც ბერძნებს არ გამოპარვიათ.
გავლენიანი ბერძნული გამოცემები საქართველოში მიმდინარე მოვლენებზე წერენ:
"მატჩზე დასასწრები ყველა ბილეთი წამებში გაიყიდა, ნაყიდ ბილეთებს კი 10-ჯერ მეტ ფასში ყიდიან. მისი შეძენა მინიმუმ 135 ევროდ შეგიძლიათ. საქართველო და საბერძნეთი ერთმანეთს ფინალში ხვდებიან, სადაც ერთ-ერთი ევროპის ჩემპიონატის საგზურს მოიპოვებს.
ხალხი ონლაინ რიგში იდგა და ბილეთები მალევე გაიყიდა. უცნაურია, რომ ახლა ბილეთის ყიდვა 10-ჯერ მეტ ფასადაა შესაძლებელი. როგორც ჩანს, ქვეყანაში ამ თამაშს დიდი ყურადღება ექცევა. დინამო არენა 54 ათას გულშემატკივარს იტევს და ნახევარფინალში სტადიონი გადაჭედილი იყო", - ვკითხულობთ გამოცემაში.
აღნიშნულია ისიც, რომ საბერძნეთს დაახლოებით 2000 ბილეთი აქვს გამოყოფილი. ბერძენი გულშემატკივრების ნაწილს მისი ყიდვა 7 ევროდ შეუძლიათ.
