ჟერარდ პიკემ ისაუბრა იმ ფეხბურთელების შესახებ, ვისაც ოქროს ბურთის მოგება შეუძლიათ. ვეტერანი მცველის აზრით, არ არსებობს კონკრეტული კრიტერიუმი, რის გამოც მოთამაშეს შეიძლება ბალონ დ'ორი გადაეცეს. აქედან გამომდინარე, ესპანელი ყოფილი უკანახაზელი ფავორიტს ვერ ასახელებს.
"ვინ უნდა მოიგოს ოქროს ბურთი? არ ვიცი, რადგან არ არსებობს ერთი კონკრეტული კრიტერიუმი, რასაც შეუძლია საბოლოო გადაწყვეტილებაზე გავლენის მოხდენა. მესი? ეს იქნებოდა მისი კარიერის იდეალური დასასრული, მაგრამ ბევრი იტყვის, მნიშვნელოვანია მთელი სეზონი და არა ერთი ტურნირი.
ისინი ასევე იტყვიან, რომ ლიონელი არ თამაშობს ძლიერ ლიგაში და მართლებიც იქნებიან. როდრი? მსოფლიო ჩემპიონატზე კარგი თამაშის მიუხედავად, სეზონის დიდი ნაწილი მან ხომ ტრავმის გამო გამოტოვა. უარყოფითი რეაქცია იამალზეც იქნება", - განაცხადა ბარსელონას ყოფილმა უკანახაზელმა.
