დღეს დინამო არენას საპრესკონფერენციო დარბაზში ერთა ლიგის პლეიოფის საპასუხო მატჩამდე, (B დივიზიონში დასარჩენად) საქართველოს ეროვნული საფეხბურთო ნაკრების მთავარმა მწვრთნელმა, ვილი სანიოლმა პრესკონფერენცია გამართა. ჩვენი გუნდი 23 მარტს, სომხეთთან მეორე შეხვედრას გამართავს, შეგახსენებთ, პირველ მატჩში საქართველომ სომხეთი 0:3 დაამარცხა.
საქართველოს ნაკრების შემადგენლობა:
ლუკა ლოჩიშვილის ტრავმა სერიოზული არ არის, მას აღდგენის შანსს მივცემ. გვიბრუნდება გურამ კაშია, რომელიც, რა თქმა უნდა, დაგვეხმარება. ის ჩვენთვის მნიშვნელოვანი მოთამაშეა. ვფიქრობ, მოტივაციასთან დაკავშირებული პრობლემები გუნდში არ იქნება. იქნება ცვლილებები, შანსი სხვა მოთამაშეებსაც მიეცემათ, თუმცა შემადგენლობას ძალიან არ გადავახალისებთ. ყველამ იცის, ვინც ვერ ითამაშებს კარგად, მათი თამაშის შანსი შემცირდება. ერთ პოზიციაზე ბევრი კარგი ფეხბურთელი გვყავს.
გუგეშაშვილის, ლაცაბიძის, გოგლიჩიძისა და აზაროვის შესახებ:
მამარდაშვილი ხვალ ითამაშებს, გუგეშაშვილს შანსი ივნისში მიეცემა. ლაცაბიძე? ის მოტივირებულია, ბევრს გვისმენს და სწავლობს. ხვალ თუ არა, მომავალში შანსი აუცილებლად მიეცემა. აზაროვსა და გოგლიჩიძეს რაც შეეხება, კარგი მატჩი ჩაატარეს. აზაროვს ნაკრებში წარსულში პრობლემები ჰქონდა, თუმცა ახლა ყველაფერი კარგადაა.
კვარაცხელიას ფაქტორი, პსჟ, იტალიური ფეხბურთი
კვარაცხელიას თამაშმა პარიზ სენ-ჟერმენში ბევრი რამ შეცვალა. პსჟ-ს თამაშებზე უფასოდ ვივლი. ძალიან მიხარია, იტალიურ ფეხბურთს ჩვენთვის დიდი ადგილი უჭირავს. ქართველმა ფეხბურთელებმა დიდი კვალი დატოვეს იქ და იმედია, ეს მომავალშიც გაგრძელდება.
საქართველო - სომხეთის მატჩი 23 მარტს, დინამო არენაზე 18:00 საათზე დაიწყება.
საქართველო - სომხეთის მატჩი 23 მარტს, დინამო არენაზე 18:00 საათზე დაიწყება.
