უკვე მეორე დღეა საქართველოს ნაკრები გერმანიის ქალაქ ფელბერტშია და 18 ივნისს გასამართი მატჩისთვის ემზადება, სადაც ევროპის ჩემპიონატის ჯგუფური ეტაპის პირველ ტურში თურქეთს შეხვდება.
მონტენეგროსთან გამართული ამხანაგური მატჩი, რომელიც 1:3 ჩვენს სასარგებლოდ დასრულდა, წელის ტრავმის გამო საბა კვერკველიამ გამოტოვა.
საქართველოს ნაკრების მცველი გუნდთან ერთად კვლავ ვერ ვარჯიშობს, მან დღესაც ინდივიდუალურად ივარჯიშა.
დიდია იმის შანსი, რომ თურქეთთან გამართულ მატჩში კვერკველიამ ვერ ითამაშოს. ამ თემასთან დაკავშირებით ინფრომაციას უახლოეს მომავალში მოგაწვდით.
დღევანდელი ვარჯიში ოთარ კიტეიშვილმაც გამოტოვა, თუმცა როგორც ჩვენთვის არის ცნობილი, თურქეთთან მატჩისთვის ის მზადყოფნაში იქნება.