მსოფლიო ჩემპიონატის 1/16 ფინალში გამართული მატჩი ინგლისის ნაკრებსა და კონგოს რესპუბლიკას შორის, ბრიტანელთა გამარჯვებით 2:1 დასრულდა.
მოგეხსენებათ, ინგლისელები ამ თამაშს სენსაციურად აგებდნენ, თუმცა ჰარი კეინის დუბლით შემოატრიალეს და შემდეგ ეტაპზეზ გავიდნენ.
ტომაშ ტუხელმა ამ მატჩში უცნაურ და საინტერესო ექსპერიმენტს მიმართა. თანამედროვეობის ერთ-ერთი გამორჩეული ნახევარმცველი დეკლან რაისი მეორე ტაიმში მარჯვენა მცველად ათამაშა, რამაც გაამართლა.
როგორც თავად ამბობს, ეს მისი ასისტენტის, ენტონი ბარის გადაწყვეტილება იყო და ამის გაკეთებას მომავალშიც აპირებს.
"ბარის საოცარი იდეა, რომელმაც გაამართლა - დეკლან რაისის მარჯვენა მცველად თამაში. როცა ის მარჯვნივ გადავწიეთ, უფრო კარგი ჩაწოდებები გაკეთდა, დაცვაშიც კომპაქტურად ვიდექით და საკას და სხვა ფლაგის შემტევებს სივრცეები შეექმნათ.
სრული მხარდაჭერა ჩემი ასისტენტის ამ იდეას, რომელიც შესაძლოა მომავალშიც განვახორციელოთ", - განაცხადა ტუხელმა.
შეგახსენებთ, რომ მსოფლიო ჩემპიონატის 1/8 ფინალში ინგლისის ნაკრების მექსიკას დაუპირისპირდება.
