"ზიდანი განსაკუთრებული და სრულყოფილი ფეხბურთელი იყო. მას ჰქონდა მოედნის ხედვა, სიზუსტე და ტექნიკა - ისეთი, როგორიც სხვას არავის. ზინედინი რთულ საქმეს აკეთებდა ძალიან მარტივად და ელეგანტურად. მის მოძრაობებს ვერ გაიმეორებდი, ის უნიკალური იყო", - განაცხადა "ბლანკოსის" ექს-ფორვარდმა.
შეგახსენებთ, რომ "ფენომენი" და ლეგენდარული ფრანგი შემტევი ნახევარმცველი 90-იანების სერია ა-ში იყვნენ მოწინააღმდეგეები - ერთ-ერთი მათგანი თამაშობდა ტურინის იუვენტუსში, მეორე კი მილანის ინტერში. ამის გარდა, კანის აღზრდილმა ფლეიმეიქერმა ბრაზილიის ეროვნული გუნდის მე-9 ნომერს მუნდილაზე მოუგო 2-ჯერ, 1998 და 2006 წლებში.
რაც შეეხება სანტიაგო ბერნაბეუზე ერთად გატარებულ პერიოდს - 140 შეხვედრა სამი მოპოვებული ტიტული. 48 წლის ყოფილმა თავდამსხმელმა "ზიზუს" ასისტებით საერთო ჯამში 25 ბურთი გაიტანა.
