ქართველმა პარატაეკვონდოისტებმა პარალიმპიადაზე პირველად იასპარეზეს. უმაღლესი რანგის შეჯიბრზე ანა ჯაფარიძესთან ერთად, ლია ჩაჩიბაიამ და გიორგი ნიკოლაძემ მიიღეს მონაწილეობა.
ქართველი პარატაეკვონდოისტების პარალიმპიურ დებიუტზე LaGazzetta.ge-სთან საქართველოს პარატაეკვონდოისტთა ნაკრების მთავარმა მწვრთნელმა, შოთა გოჩიაშვილმა ისაუბრა:
- მოლოდინი და შედეგი პარალიმპიურ თამაშებზე...
- პარალიმპიადისთვის წინასწარი მოლოდინი არ შემიქმნია, თუმცა მჯეროდა რომ მედლის აღებას შევძლებდით.
- პირველი დღე პირველი მედალი პარიზში დელეგაციის ყველაზე პატარა წევრისგან, რას იტყვით ანა ჯაფარიძის ასპარეზობის შესახებ?
- ანა ჯაფარიძეზე ვფიქრობდი რაღაც გავლენა ექნებოდა დიდ აუდიტორიას, თუმცა ეს გადალახა, მოახერხა მედლის აღება, რაც ძალიან დიდი წარმატებაა, თუმცა ანას კიდევ უფრო მეტი შეუძლია.
- ანამ შეძლო თურქ, პარალიმპიური თამაშები ვიცე-ჩემპიონთან, მერიენ ბელუთ ჩავდართან გამარჯვება, ეს დამატებითი თავდაჯერების ფაქტორი გახდა?
- დიახ ჩავდარი ტოკიოს პარალიმპიადის ვიცე-ჩემპიონი და ევროპის ოთხგზის ჩემპიონია, ასევე არის მსოფლიოს ჩემპიონატის პრიზიორი, ანიმ მასთან ერთი წლის წინ წააგო, ამჯერად რევანში აიღო და ამ გამარჯვებამ, რა თქმა უნდა, გავლენა მოახდინა, ეს იყო მთავარი გარდამტეხი.
- გადამწყვეტ შეხვედრაში ბოლომდე იბრძოლა, ასეთ ვითარებაზე ნავარჯიშები გქონდათ?
- მედლისთვის ბრძოლაში ეგვიპტელი ჰასანი მსოფლიოს მოქმედი ვიცე-ჩემპიონია, გრან პრების გამარჯვებულია, ყველა ტურნირზე მედლის აღებას ახერხებს. ჩვენ ვიცოდით მისი პლიუსები და მინუსები, გამოვიყენეთ ყველაფერი, მოვედით ოქროს ქულამდე და გავიმარჯვეთ. ამხელა ფსიქოლოგიური წნეხისთვის მომზადებული არ იყო ანი, დროც არ გვქონდა, თუმცა მან გამოავლინა სიძლიერე და მედალი აიღო.
- გიორგი ნიკოლაძის და ლია ჩაჩიბაიას ასპარეზობა, რა დააკლდა ლიკას?
- რაც შეეხება გიორგის და ლიკუნა, ლიკუნამ ძალიან მაგრამ იბრძოლა, გამოცდილი მაროკოელი სპორტსმენი შეხვდე, ვანახეთ ბოლო წამებმა გადაწყვიტა ყველაფერი, ლიკუნა იგებდე და მეტოქემ ბოლო წამზე აიღო ქულა და მინიმალური ანგარიშით მოიგო.
- ნიკოლაძის საბოლოო შედეგი ტრავმამ გადაწყვიტა?
- გიორგი ნიკოლაძის საბოლოო შედეგი ტრავმამ გადაწყვიტა, რადგან თურქი სპორტსმენი, ვისთანაც მეოთხედფინალში დამარცხდა, ვფიქრობ ეს ბარიერი უნდა გაევლო, აქამდე დამარცხებული უკვე ჰყავს, მიუხედავად იმისა რომ ძალიან ძლიერი ხუთგზის ევროპის ჩემპიონია, მსოფლიოს ჩემპიონი და გრან პრის გამარჯვებულია. არგენტინელი სპორტსმენი, რომელმაც მესამე ადგილი დაიკავა გიორგის რამდენიმე თვის წინ დამარცხებული ჰყავს, სწორედ ტრავმაა მთავარი მიზეზი რის გამოც ქართველმა მედლის მოპოვება ვერ შეძლო.
- რას იტყვით ქართველი პარატაეკვონდოისტების პარალიმპიურ დებიუტზე?
- დიდი შრომა ჩავდეთ აქადე მოსასვლელად, დიდი შემართებით ვემზადებოდით და ვფიქრობ რომ დებიუტი შედგა, ჩვენ ქვეყანას მოვუტანეთ მედალი, დელეგაციის ყველაზე ახალგაზრდა წევრმა, 19 წლის ანა ჯაფარიძემ ბრინჯაო მოიპოვა. წლის ბოლოს მსოფლიოსა და ევროპის ჩემპიონატი გველის, პარალიმპიადაზე კიდევ უფრო კარგად დავინახეთ, ჩვენი პლიუსები და მინუსები, გააგრძელებინათ ვარჯიშს და გულშემატკივარს მივცემ იმედს, რომ უკეთესი შედეგებით დაგიბრუნდებით.
