რამდენიმე დღის წინ, პსჟ-ს მთავარმა მწვრთნელმა ლუის ენრიკემ გუნდთან ახალი კონტრაქტი გააფორმა, რომლის თანახმადაც ის პარიზში 2030 წლამდე დარჩება.
როგორც ჩანს, პსჟ-ს ხელმძღვანელობა ენრიკეს სრულ ნდობას უცხადებს და მომავლის პსჟ-ს კვლავ ესპანელი სპეციალისტის გარშემო განიხილავს.
ამის დასტურად, ახალი კონტრაქტის თანახმად, ლუის ენრიკეს ანაზღაურება წლიურად 20 მილიონი ევრო იქნება.
მისი სახელფასო ზრდა 8 მილიონი ევროთი გაიზარდა, ძველი კონტრაქტის თანახმად, ენრიკეს ხელფასი წელიწადში 12 მილიონი ევრო იყო.
ეს კი იმას ნიშნავს, რომ ამიერიდან, ლუის ენრიკეს თავის ფეხბურთელებზე მეტი ანაზღაურება ექნება. პსჟ-ს ყველაზე მაღალანაზღაუებადი ფეხბურთელი უსმან დემბელეა, რომლის ხელფასი წელიწადში 18 მილიონი ევროა.
