UFC-იმ ოფიციალურად დააანონსა თავისი პირველი ღონისძიება კატარში, რომელიც 22 ნოემბერს, დოჰაში, Visit Qatar-თან პარტნიორობით გაიმართება.
ორგანიზაციის აღმასრულებელმა დირექტორმა, დანა უაითმა, აღნიშნა, რომ ეს არის მრავალწლიანი მუშაობის შედეგი და ახლო აღმოსავლეთში, კერძოდ აბუ-დაბიში მიღწეული წარმატების ლოგიკური გაგრძელება.
"ჩვენ ყველგან მივდივართ. დიდი ხანია აბუ-დაბიში ვართ და ახლა არეალის გაფართოებას ვიწყებთ. კატარი ის ქვეყანაა, სადაც ღონისძიების გამართვაზე რამდენიმე წელია ვმუშაობთ და როგორც იქნა, შეთანხმებას მივაღწიეთ. UFC დიდი ხანია აბუ-დაბის განუყოფელი ნაწილია და ვფიქრობ, მათ დაინახეს ის წარმატება, რასაც იქ მივაღწიეთ, შემდეგ კი საუდის არაბეთსა და აზერბაიჯანში. დიდი ხანია მინდოდა კატარში ჩასვლა და მოუთმენლად ველი ამ მოვლენას"
თავის მხრივ, Visit Qatar-ის წარმომადგენელმა,აბდულაზიზ ალი ალ-მავლავიმხაზი გაუსვა, რომ ეს თანამშრომლობა კატარს მსოფლიოს წამყვან სპორტულ მიმართულებად ამკვიდრებს და ქვეყნის კულტურულ და სპორტულ პოტენციალს წარმოაჩენს UFC-ის 700-მილიონიანი აუდიტორიის წინაშე.
"ეს თანამშრომლობა მნიშვნელოვანი წინგადადგმული ნაბიჯია, რომელიც ასახავს ჩვენს მუდმივ სწრაფვას, ვაქციოთ კატარი მსოფლიოს წამყვან სპორტულ მიმართულებად,“ ნათქვამია Visit Qatar-ის აღმასრულებელი დირექტორის, ინჟინერ აბდულაზიზ ალი ალ-მავლავის პრესრელიზში. ეს ღონისძიება იმ მასშტაბური აქტივობების სეზონის ნაწილია, რომელსაც მხარს უჭერს მიმდინარე ინფრასტრუქტურული განვითარება და შესამჩნევი ზრდა ღონისძიებებისა და კონფერენციების სექტორში. UFC-ის ჩართულობა, რომელსაც მსოფლიოში 700 მილიონზე მეტი გულშემატკივარი ჰყავს, ხაზს უსვამს ამ სტრატეგიულ მიმართულებას და უნიკალურ პლატფორმას გვთავაზობს კატარის სპორტული მიღწევებისა და კულტურული სიმდიდრის წარმოსაჩენად."
