პოლონეთის ქალაქ ვროცლავში ტყვიის სროლაში 23-წლამდელთა ევროპის ჩემპიონატი მიმდინარეობს. ტყვიის მსროლელმა იოანე ხვარეშიამ 10-მეტრიან დისტანციაზე პნევმატური პისტოლეტიდან სროლის ფინალურ ეტაპზე 241,4 ქულით ევროპის ჩემპიონობა იზეიმა.
მიმდინარე 23-წლამდელთა შორის ევროპის ჩემპიონატზე ეს საქართველოსთვის მეორე მედალია. ტყვიის მსროლელთა - მარიამ მარშავასა და გიორგი მუმლაძის შერეულმა წყვილმა 10 მეტრზე პნევმატური პისტოლეტიდან სროლაში 405,6 ქულა დააგროვა და ევროპის ჩემპიონატის ბრინჯაოს პრიზიორი გახდა
