თურქეთის ფეხბურთის ფედერაციის მმართველი საბჭოს წევრმა, ჰამიტ ალტინტოპმა მოახლოებულ ევროპის ჩემპიონატზე თავისი ქვეყნის ნაკრების შესახებ ისაუბრა. შეგახსენებთ, ევრო 2024-ის ჯგუფური ეტაპის პირველ ტურში, თურქეთის ეროვნული გუნდის მეტოქე საქართველო იქნება. მადრიდის რეალის ყოფილი შუახაზელი თვლის, რომ ყველაზე რთული მატჩი სწორედ "ჯვაროსნებთან" იქნება.
"თურქეთის ნაკრების მიზანი ჯგუფიდან გასვლა იქნება. ჩვენი პირველი მოწინააღმდეგე არის საქართველო, გუნდი, რომელიც ევროპის ჩემპიონატზე პირველად მოხვდა. "ჯვაროსნების" გარშემო არ არის დიდი მოლოდინი და შესაბამისად, ისინი ზეწოლის გარეშე ითამაშებენ. მათ დასაკარგი არაფერი აქვთ, ეს კი მათ უპირატესობას აძლევს.
ყველაზე რთული შეხვედრა სწორედ სანიოლის გუნდის წინააღმდეგ იქნება. რაც შეეხება სხვა მეტოქეებს, პორტუგალია ევროპის ჩემპიონატის ერთ-ერთი ფავორიტია, ჩეხეთი კი კონტინენტის პირველობაზე ისტორიულად ყოველთვის კარგად გამოდის", - განაცხადა 41 წლის ფუნქციონერმა.