საფრანგეთის ჩემპიონატის გასულ ტურში პსჟ სტუმრად რენს დაუპირისპირდა და ფრედ 2:2 ითამაშა. პარიზელთა ლიდერები უსმან დემბელე და ხვიჩა კვარაცხელია ლუის ენრიკემ პირველი ტაიმის შემდეგ შეცვალა.
მატჩის შემდგომ ენრიკემ კრიტიკული კომენტარი გააკეთა და განაცხადა, რომ გუნდის ლიდერები კომფორტის ზონიდან უნდა გამოვიდნენ და გაითავისონ, მიუხედავად იმისა, რომ მათ ყველაფერი მოგებული აქვთ, კვლავ დიდი მოტივაციით უნდა ითამაშონ.
ფრანგული პრესა კი კვარას და დემბელეს საქციელის შესახებ წერს და მათ მენტალურ სიმტკიცეზე უსვამს ხაზს.
"კვარა და დემბელე ცვლილების შემდეგ წყენას არ იტოვებენ. მიუხედავად იმისა, რომ ისინი შეცვლით უკმაყოფილოები იყვნენ, ენრიკეს მიმართ არანაირი პრეტენზია არ გააჩნდათ.
მათ გათავისებული აქვთ, რომ ხანგრძლივი სეზონი წინ არის, პარიზში კი ცვლილებები და როტაცია ცოცხლი პროცესია. სწორედ ასეთი მენტალობის გამო არიან ისინი დიდი ფეხბურთელები", - წერს RMC.
შეგახსენებთ, რომ საფრანგეთის ჩემპიონატის მეორე ტურში პსჟ 28 აგვისტოს სტუმრად ლილის დაუპირისპირდება.
