მორიგ ამხანაგურ მატჩს საქართველოს ნაკრები 5 ივნისს, ბაჰრეინის წინააღმდეგ გამართავს. მატჩის წინ პრესკონფერენცია ჩვენი ნაკრების თავკაცმა ვილი სანიოლმა გამართა.
ცვლილებებზე და მეტოქეზე
"მომდევნო მატჩში ძირითად შემადგენლობაში 5-6 ცვლილება იქნება. ბოლო პერიოდში, ბაჰრეინმა თავის კონტინენტზე კარგი შეედეგები დააფიქსირა და მეტოქეს სერიოზულად უნდა მივუდგეთ."
ჩაკვეტაძის მდგომარეობაზე
"ჩაკვეს ტრავმა სერიოზული არ არის, თუმცა ფეხი აქვს გასიებული და ბუცებით ვერ ვარჯიშობს და დაისვენებს, ვფიქრობ, მომდევნო კვირიდან ვარჯიში უკვე შეეძლება."
ხვიჩა კვარაცხელიაზე
"როგორც უკვე ვთქვი, კვარაცხელიას რამდენიმე კვირის წინ ვესაუბრე და მითხრა, რომ ბაჰრეინთან თამაში სურდა. შესაბამისად, მას თავიდანვე ძირითად შემადგენლობაში უნდა ველოდოთ."
რუმინეთთან მატჩზე
"რუმინეთთან ბევრი მომენტი შევქმენით, თუმცა ამ მომენტების რეალიზება გვიჭირდა. იმედია, ჩვენი ნაკრები ხვალაც იგივე მონდომებით ითამაშებს და შედეგი უკეთესი იქნება. რუმინეთთან ბოლო ერთ წელიწადში საუკეთესო მატჩი ვაჩვენეთ."
ივნისის შეკრებაზე
"საკმაოდ პროდუქტიული შეკრება გვქონდა, მზადებით კმაყოფილი ვარ და ეს რუმინეთთან მატჩის ხარისხზეც აისახა. იმედია, კარგი შეკრება ბაჰრეინთან დამაჯერებელი გამარჯვებით დასრულდება."
მეკარის ცვლილებაზე
"გიორგი მამარდაშვილს ცოტა რთული სეზონი ჰქონდა, მაგრამ ის ძალიან კარგი მეკარე და მნიშვნელოვანი ფიგურაა. კარგია, რომ ამ პოზიციაზე რამდნეიმე კაი მოთამაშე გვყავს, ვფიქრობ, ხვალ გუგეშაშვილს შანში მიეცემა."
ანდრია ბართიშვილზე
"ახალგაზრდული ნაკრების თამაშს ვუყურე, ბართიშვილი საკმაოდ ნიჭიერი ფეხბურთელია, თუმცა ნიჭიერმა ფეხბურთელმა რომ კარიერაში ნაბიჯი წინ გადადგას, მხოლოდ ტექნიკა საკმარისი არ არის, საჭიროა სწორი აზროვნება და ამის მაგალითი ხვიჩა კვარაცხელიაა. იმედია, ანდრიაც და სხვა ახალგაზრდა ფეხბურთელებიც შრომას და განვითარებას გააგრძელებენ, რათა მომავალში დიდი ფეხბურთელები გახდნენ."
მამარდაშვილის მდგომარეობაზე
"როცა მამარდა ლივერპულში გადავიდა, ყველანი ბედნიერები ვიყავით, რომ ის მსოფლიოს ერთ-ერთ საუკეთესო კლუბში გადავიდა, თუმცა მეკარისთვის სათამაშო პრაქტიკა უმნიშვნელოვანესია. ჩემი აზრი თუ გაინტერესებთ, მას სხვა გუნდში გადასვლას და ახალ გამოწვევას ვურჩევდი."
