ჯერ კიდევ რამდენიმე თვის წინ დაანონსდა, რომ ლეგენდარული ბრაზილიელი ფეხბურთელი რონალდინიო საფეხბურთო კარიერას განაახლებდა.
46 წლის ფეხბურთელი იტალიის სერია С-ს გუნდ რავენას შეუერთდება და გუნდს ზედა ლიგაში დასაწინაურებლად დაეხმარება.
როგორც ცნობილია, რონალდინიო რავენაში დღეს დილით ჩაფრინდა, პირადი თვითმფრინავით და თავისი წარმომადგენლებით.
რონალდინიოს ოფიციალური წარდგენა დღეს საღამოს, ორიგიანლურად იგეგმება. სანაპიროზე, რომელსაც 5000-6000 გულშემატკივარი დაესწრება.
"მისი ჩამოსვლა მკაფიო გზავნილს გვაძლევს: რავენა სერიოზულ პროექტს აშენებს და იტალიური ფეხბურთის კულტურას ახალი ორიენტირი აქვს. ასე იწყება კლუბის ისტორიის ყველაზე მომხიბვლელი თავი და ის მხოლოდ დასაწყისია“, - წერს კლუბის ოფიციალური გვერდი.
რონალდინიომ საფეხბურთო კარიერა 2015 წელს დაასრულა და მხოლოდ საქველმოქმედო მატჩებში იღებდა მონაწილეობას, მათ შორის, გასულ წელს ის თბილისშიც იყო ჩამოსული.
