ტრანსფერი დაიხურა, ფერან ტორესი ბარსელონადან კარიერას პარი სენ-ჟერმენში გააგრძელებს. მხარეებს შორის ყველაფერი შეთანხმებულია, ესპანელ ფეხბურთელს საფრანგეთში უკვე ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს.
პარი სენ-ჟერმენი ფერან ტორესის სანაცვლოდ დაახლოებით €50 მილიონს გადაიხდის, ესპანელი კი პარიზულ კლუბთან გრძელვადიან ხელშეკრულებას გააფორმებს.
ფერან ტორესის ტრანსფერი პირადად ლუის ენრიკემ მოითხოვა, რომელიც ფეხბურთელის დამატებას პარიზული გუნდისთვის პრიორიტეტად მიიჩნევდა. საბოლოოდ, პარი სენ-ჟერმენმა ესპანელი თავდამსხმელის შეძენაზე შეთანხმებას მიაღწია და ფერან ტორესი კარიერას საფრანგეთში გააგრძელებს.
