ძალიან მძიმე მარცხის შემდეგ, ტიაგო მოტას გარშემო საუბრები კიდევ უფრო გამძაფრდა. იტალიელი სპეციალისტის მომავალი ისედაც ბუნდოვანი იყო, თუმცა ახლა კიდევ უფრო კრიტიკულ ზღვარს მიუახლოვდა, რადგან სკუდეტოს რომ თავი დავანებოთ, არის შანსი გუნდმა ჩემპიონთა ლიგის საგზურიც კი ვერ მოიპოვოს.
ფანების პროტესტი გუშინ არ დაწყებულა — ტურინელების დიდ ნაწილს ტიაგო მოტას კანდიდატურა თავიდანვე არ მოსწონდათ, რადგან მას ინტერისტად აღიქვამდნენ. ბევრი მათგანის პროტესტი კი სეზონის მიმდინარეობისას გაჩნდა, როდესაც გუნდის თამაშის ხარისხი ვერანაირ კრიტიკას ვერ უძლებდა. წინა დღეებში იყო საპროტესტო გამოსვლებიც, სადაც კიდევ ერთხელ გამოჩნდა ფანების დამოკიდებულება ტიაგო მოტას მიმართ.
Juventus fans calling Thiago Motta a 'piece of sh*t' during protests todaypic.twitter.com/CZn1ZcSxwB
— Get Italian Football News (@_GIFN) March 2, 2025
რა იქნება ახლა? იუვენტუსში ტიაგო მოტას გაშვებას ამ მომენტისთვის არ განიხილავენ — დღევანდელი სიტუაცია ეს არის, მაგრამ სეზონის ბოლოს შეიძლება ყველაფერი შეიცვალოს. გუნდმა ჩემპიონთა ლიგის საგზური რომც მოიპოვოს, ძალიან დიდი შანსია იტალიელი სპეციალისტი ტურინიდან მაინც გაუშვან. უფროსობას სულ სხვა მოლოდინები ჰქონდა და სჯეროდა, რომ სეზონის წინ, მაქს ალეგრის გაშვება და ტიაგო მოტას გუნდში მოყვანა, სწორი ნაბიჯი იყო, თუმცა როგორც ჩანს ისინი შეცდნენ. გუნდმა მარტის თვეში სკუდეტოს მოგების შანსი დაკარგა, ჩემპიონთა ლიგას დაემშვიდობა და იტალიის თასიდანაც გამოვარდა... თამამად შეგვიძლია იმის თქმა, რომ ტიაგო მოტას პროექტი ჩავარდა.
და ბოლოს, სიტუაცია უახლოეს მატჩები თუ არ გამოსწორდება, არის შანსი ტიაგო მოტა გუნდიდან სეზონის დასრულებამდეც კი გაუშვან.
