საქართველოს სპორტის მინისტრმა შალვა გოგოლაძემ მუნიციპალიტეტებისთვის განკუთვნილი სპორტული ინვენტარი დაათვალიერა. შალვა გოგოლაძე ქვემო ქართლსა და კახეთში სპორტული ობიექტების საჭიროებებს გაეცნო. რის შემდეგაც სპორტის სამინისტრომ ამ ობიექტებზე სპორტული პროცესის განვითარებისთვის აუცილებელი სპორტული ინვენტარი შეიძინა.
სპორტის სამინისტროს მიერ შეძენილი სპორტული ინვენტარი, რომელიც ორი რეგიონისთვის არის განკუთვნილი, მოიცავს სპორტის შვიდი სახეობისთვის საჭირო 36 დასახელების 1000-ზე მეტ ერთეულს, როგორც საშეჯიბრო, ისე სავარჯიშო ატრიბუტიკას; მათ შორისაა: კრივის რინგები, კარატეს ტატამები და საჭიდაო ხალიჩები.
სპორტის მინისტრი აგრძელებს მუნიციპალიტეტებში სპორტული ობიექტების დათვალიერებას. მიმდინარეობს საჭიროებების აღწერა და პარალელურად შესაბამისი ინვენტარის დაკვეთა. 2027 წლის ბოლომდე აღწერის და მომარაგების პროცესი მთელ ქვეყანაში დასრულებული იქნება.
სპორტის მინისტრი ჩინეთში სამუშაო ვიზიტისას სამინისტროს დელეგაციასთან ერთად „ტაიშან გრუპის” წარმომადგენლებს შეხვდა და წარმოების პროცესს გაეცნო. მხარეების მოლაპარაკებების საფუძველზე, საქართველოს სპორტის სამინისტრომ საერთაშორისო სტანდარტების შესაბამისი სპორტული ინვენტარი შეიძინა.
„ტაიშან გრუპი” ქმნის ფართო სპექტრის სპორტულ ინვენტარს. კომპანია დიდ ყურადღებას აქცევს კვლევასა და განვითარებას. მათ მიერ წარმოებული 200-ზე მეტი პროდუქტი სერტიფიცირებულია საერთაშორისო ფედერაციების მიერ, მონაწილეობს საერთაშორისო სტანდარტების შექმნაში და იყენებს თანამედროვე მასალებს.
![[VIDEO] პეპს უფრო და უფრო ემსგავსება - მარესკამ გუარდიოლასგან კიდევ ერთი თვისება აიღო](/_next/image?url=https%3A%2F%2Fge-gz-uploads-471112570717-eu-central-1-an.s3.eu-central-1.amazonaws.com%2Fuploads%2Fposts%2FUXKewH8qSoOsPv8uyjZZEsG9OoCHiwgY.png&w=3840&q=75)
