საქართველოს სპორტის მინისტრი შალვა გოგოლაძე ავსტრალიაში სამუშაო ვიზიტით იმყოფება. ვიზიტისას შალვა გოგოლაძემ სიდნეის სტადიონის - Allianz Arena-ს, დირექტორის მიწვევით სპორტული კომპლექსის ინფრასტრუქტურა დაათვალიერა. კომპლექსი საფეხბურთო, სარაგბო და კრიკეტის სტადიონებს აერთიანებს, რომლებზეც მნიშვნელოვანი ეროვნული და საერთაშორისო სპორტული ღონისძიებები იმართება. 2027 წელს ავსტრალია რაგბის მსოფლიოს ჩემპიონატს მასპინძლობს, რომელიც სწორედ ამ სტადიონზე ჩატარდება.
მინისტრთან ერთად სპორტული ინფრასტრუქტურა მოინახულეს სპორტის მინისტრის მოადგილე ირაკლი დოლაბერიძემ და ავსტრალიის თანამეგობრობაში საქართველოს ელჩის პირველმა მრჩეველმა ლაშა ჯაფარიძემ.
