საქართველოს სპორტის მინისტრის მოადგილე ირაკლი დოლაბერიძე ამბროლაურში გამართულ 14-წლამდელთა რაგბის შვიდკაცა ფესტივალს რაჭა-ლეჩხუმ ქვემო სვანეთის სახელმწიფო რწმუნებულ პაპუნა მარგველიძესთან ერთად დაესწრო. ირაკლი დოლაბერიძემ ფესტივალში მონაწილე მორაგბეები დააჯილდოვა და მათ მომავალშიც წარმატება უსურვა.
14-წლამდელთა რაგბის შვიდკაცა ფესტივალს ტრადიციული სახე აქვს და მესამე წელია ტარდება. წელს გამართულ ფესტივალში დასავლეთ საქართველოს რვა გუნდი მონაწილეობდა. ფესტივალის დევიზია - „გამარჯვება იწყება მეგობრობით“.
ფესტივალს ასევე ესწრებოდნენ ამბროლაურის მუნიციპალიტეტის მერი ზაზა ქევანიშვილი, რაგბის კავშირის გამგეობის წევრი გია კობახიძე, მუნიციპალიტეტის მერიის წარმომადგენლები და სხვა მიწვეული სტუმრები.
