საქართველოს სპორტის მინისტრი შალვა გოგოლაძე მოადგილეებთან - ირაკლი დოლაბერიძესთან და ლევან მგალობლიშვილთან, ერთად 20 წლამდე მორაგბეთა ნაკრებს შეხვდა. მინისტრმა ახალგაზრდა მორაგბეებს სიტყვით მიმართა და მსოფლიოს ჩემპიონატზე გამარჯვებები, წარმატებული ასპარეზობა უსურვა.
20-წლამდელთა რაგბის მსოფლიოს ჩემპიონატს საქართველო 27 ივნისიდან 18 ივლისის ჩათვლით უმასპინძლებს. ჩემპიონატში 16 ქვეყანა მონაწილეობს, თამაშები კი თბილისსა და ქუთაისში გაიმართება.
საქართველო „მსოფლიო რაგბის" ახალგაზრდულ ჩემპიონატს მეორედ მასპინძლობს. 2017 წელს თბილისსა და ქუთაისში გამართულმა ჩემპიონატმა დღემდე ჩატარებულ ტურნირებს შორის „მსოფლიო რაგბისგან" საუკეთესო შეფასება დაიმსახურა. შეხვედრას ესწრებოდნენ საქართველოს რაგბის კავშირის პრეზიდენტი დავით კაჭარავა და სამწვრთნელო შტაბის წარმომადგენლები.
