ჩემპიონთა ლიგის მეორე საკვალიფიკაციო ეტაპზე ერთმანეთს იბერია და სლოვან ბრატისლავა დაუპირისპირდებიან.
მატჩის წინ პრესკონფერენცია იბერიას მთავარმა მწვრთნელმა ანდრიი დემჩენკომ გამართა.
"ამ მნიშვნელოვანი მატჩისთვის სრულად მზად ვართ. ბართიშვილი დაგვიბრუნდა და ეს დიდი პლიუსია. ვფიქრობ, წინა მატჩების ანალიზი კარგად გავაკეთეთ და ის შეცდომები უნდა გამოვასწოროთ, რაც ფლორასთან მატჩში დავუშვით.
როგორც უკვე ვთქვი, ბართიშვილი 100%-ით მზადაა სათამაშოდ. ის კრეატიული და ტექნიკური ტალანტია და მისი ყოფნა მნიშვნელოვანი იქნება.
სლოვანს მძიმე მატჩი წლის. ზოგადად, ქართული კლუბები ევროტურნირებზე ვერ გადიან, ჩვენ კი მაქსიმუმს გავაკეთებთ, რომ ეს ტრადიცია დავარღვიოთ და ჯგუფში შევიდეთ.
ვმუშაობთ, რომ სათადარიგოთა სკამი უფრო ღრმა იყოს. ფლორამ სკამიდან 5 ფეხბურთელი შეიყვანა და გამოიყენა, ჩვენ კი ამის პრობლემა გვაქვს", - განაცხადა დემჩენკომ.
