ბაიერნ მიუნხენისა და პარის სენ-ჟერმენის დაპირისპირება ბევრი მიზეზის გამოა განსაკუთრებული. ერთ-ერთი დეტალი არის უსმან დემბელესა და დაიო უპამეკანოს დუელი: მოთამაშეები, რომლებიც ბავშვობაში ერთ სკოლაში სწავლობდნენ. ბალონ დ'ორის მოქმედი მფლობელის საუკეთესო მეგობარი, მუსტაფა დიატა იხსენებს:
"როდესაც დემბელე იყო მეხუთე კლასში, ის გადავიდა იმ სკოლაში, რომელშიც უპამეკანო სწავლობდა. მთავარ ვარსკვლავად ითვლებოდა სწორედ დაიო, მაგრამ უსმანის გამოჩენის შემდეგ, ყველაფერი შეიცვალა. ერთ დღეს, სკოლიდან დაბრუნებულმა მან მითხრა: როგორც იქნა, თავისი ადგილი მივუჩინე", - იხსენებს ფრანგი ვინგერის მეგობარი.
ამ ფაქტთან დაკავშირებით "რეკორდმაისტერის" ცენტრალურ მცველსაც უსაუბრია - "ვიყავი თუ არა სკოლის საუკეთესო ფეხბურთელი? არა, რადგან ჩემთან ერთად დემბელეც სწავლობდა. ამის გამო, ვიყავი ერთ-ერთი საუკეთესო, მაგრამ არა საუკეთესო", - განაცხადა ფრანგმა უკანახაზელმა.
