ვეტერანმა ინგლისელმა ფეხბურთელმა ჯეიმი ვარდიმ იტალიის ჩემპიონატში ერთი სეზონი გაატარა და კრემონეზე ოფიციალურად დატოვა. კრემონეზეს მაისურით მან 7 გოლი გაიტანა და 2 საგოლე გადაცემა გააკეთა.
ვარდიმ იტალიური სეზონი შეაჯამა, ინგლისურს შეადარა და კრიტიკული კომენტარიც გააკეთა.
"გულწრფელად რომ ვთქვა, საზღვარგარეთ ოჯახთან ერთად გადასვლა და ცხოვრება ძალიან რთულია. სასიამოვნოა, რომ სამშობლოში დავბრუნდი.
ინგლისური და იტალიური ფეხბურთის შედარება? - იტალიაში ფეხბურთი ბევრად უფრო ნელია, თავდაცვითი და შეუჩერებელი ვარჯიშებია. სირბილი, სირბილი, კიდევ სირბილი და თამაშზე ენერგია აღარ გაქვს. 39 წლის ფეხბურთელისთვის ეს საკმაოდ რთული პროცესია.
მაგალითს გეტყვით, ბოლონიასთან თამაშამდე ერთი დღე დავისვენეთ, ძალები აღვიდგინეთ, გამოვედით და 3:1 გავიმარჯვეთ. ბრწყინვალე მატჩი ჩავატარეთ და მეგონა, რომ ჩვენი მზადება არ შეიცვლებოდა, თუმცა პირიქით მოხდა - არცერთი დღე არ დაგვასვენეს და მატჩიდან მატჩამდე გვეუბნებოდნენ, რომ ყველა თამაში მნიშვნელოვანია და დასვენების დრო არ არის.
დაუღალავი ვარჯიშები და ფეხბურთელის გადატვირთვა კარგი არ არის, თუმცა იქ ეს არ ესმოდათ", - განაცხადა ვარდიმ.
