თურქეთის ჩემპიონატის მე-4 ტურში გიოზტეპე საკუთარ მოედანზე გაზიანთეფს დაუპირისპირდა და 2:4 დამარცხდა.
აღსანიშნავია, რომ მასპინძლებმა ოთხიევ გოლი პირველ ტაიმში გაუშვეს, ამ გუნდის ქართველი მეკარე ლუკა გუგეშაშვილი კი შესვენებაზე შეცვალეს.
გიოზტეპეს გულშემატკივრის მხრიდან გუგეშაშვილის მიმართ დიდი კრიტიკაა. ისინი ქართველ მეკარეს უსტვენდნენ და გაშვებულ გოლებს მას აბრალებდნენ, რაზეც მატჩის შემდეგ ქართველმა მეკარემ მათ პასუხი გასცა.
"მე ვარ ფეხბურთელი, რომელიც ყოველთვის ბოლომდე იბრძვის, თუმცა ყველაფერი ისე არ ხდება, როგორც გვინდა. ვერავინ დააყენებს ეჭქვეშ ჩემს ბრძოლისუნარიანობას და შრომას, რომელსაც ამ გუნდის მაისურისთვის ვიღებ.
ის, რაც დღეს გააკეთეთ, გულშემატკივრობა არ არის. რა თქმა უნდა, არსებობენ გიოზტეპეს ნამდვილი გულშემატკივრებიც, რომლებსაც მართლა უყვართ ეს კლუბი და ყველა სიტუაციაში გვერდში უდგახართ თავიანთ გუნდს. მათ მიმართ დიდი პატივისცემა და სიყვარული მაქვს.
გიოზტეპეში მოსვლის პირველივე დღიდან არ ყოფილა არც ერთი დღე, რომ არ დამეცვა ამ კლუბის გერბი და სახელი. საქართველოში, თურქეთში, სახლში, ქუჩაში და მოედანზე. ყველგან ამაყად წარმოვადგენდი და ვიცავდი გიოზტეპეს. მათთვის, ვინც კლავიატურებს მიღმა იმალება და იქიდან საუბრობს, მხოლოდ ერთ რამეს ვეტყვი - ცხოვრება გრძელია, სამყარო პატარა. ერთ დღეს, ჩვენ აუცილებლად შევხვდებით ქუჩაში ან სხვაგან. პატივისცემა და სიყვარული გიოზტეპეს ნამდვილ გულშემატკივრებს", - წერს გუგეშაშვილი.
![[VIDEO] Game Winner საკუთარი ნახევრიდან — მერკვილაძემ გრონინგენს მოაგებინა](/_next/image?url=https%3A%2F%2Fge-gz-uploads-471112570717-eu-central-1-an.s3.eu-central-1.amazonaws.com%2Fuploads%2Fposts%2FsHNn171AO17NhnhoHALoYIHU192rFSM8.jpg&w=3840&q=75)
