დიდი ალბათობით, საქართველოს ნაკრების ფეხბურთელი ზურიკო დავითაშვილი ზაფხულის სატრანსფერო ფანჯარაზე სტ.ეტიენს დატოვებს. მიუხედავად იმისა, რომ სტ.ეტიენი ლიგა 1-დან გავარდა, ზურიკოს ბრწყინვალე სეზონი ჰქონდა და აუტსაიდერ გუნდში 9 გოლითა და 8 საგოლე გადაცემით გამოირჩა.
LaGazzetta.ge-ს ინფორმაციით, ზაფხულის სატრანსფერო ფანჯარაზე დავითაშვილის შეძენას თურქული გალათასარაი შეეცდება. ისინი მზად არიან, დავითაშვილის თაობაზე სტ.ეტიენს ოფიციალური შეთავაზება გაუკეთონ. როგორც ჩვენთვის არის ცნობილი, გალათასარაი ზურიკოს იმაზე 3-ჯერ მეტ ხელფასს მისცემს, ვიდრე მას სტ.ეტიენში აქვს.
ბოლო წლებში, გალათასარაი ქართველი ფეხბურთელების შეძენით აქტიურად ინტერესდება. წარსულში თურქულ კლუბს საბა გოგლიჩიძესა და ჟორჟ მიქაუტაძესაც უკავშირებდნენ.
შეგახსენებთ, რომ გალათასარაი თურქეთის ჩემპიონი გახდა და მომავალ სეზონში ჩემპიონთა ლიგაზე იასპარეზებს. რაც შეეხება დავითაშვილს, მის შეძენას ლიგა 1-ის გუნდებიც შეეცდებიან.
