შეთანხმება შედგა — შოთა არველაძე ქასიმფაშას ახალი მთავარი მწვრთნელი გახდება. 52 წლის ქართველ სპეციალისტს თურქეთში უკვე ელოდებიან, სადაც ახალ კლუბთან 1-წლიან კონტრაქტს გააფორმებს. ხელშეკრულებაში ასევე ჩაიწერება პუნქტი, რის მიხედვითაც მხარეებს თანამშრომლობის გაგრძელება კიდევ 1-წლით შეეძლებათ. შეგახსენებთ, შოთა არველაძე ქასიმფაშაში 2012-2015 წლებშიც მუშაობდა.
შოთა არველაძე ბოლოს კარაგუმრუკში მუშაობდა, საიდანაც 2024 წლის მარტში წამოვიდა. მას შემდეგ, გამოცდილი ქართველი მწვრთნელი უგუნდოდ იყო.
ქასიმფაშამ თურქეთის სუპერლიგის 2024/25 სეზონი 47 ქულით, მე-10 პოზიციაზე დაასრულა.
