NBA-ში ერთ-ერთი ყველაზე დიდი გაცვლა განხორციელდა — ლიგის ორგზის MVP იანის ანტეტოკუნმპო მილუოკი ბაქსიდან კარიერას მაიამი ჰიტში გააგრძელებს! ინფორმაციას გავლენიანი ამერიკული წყაროები ადასტურებენ, რაც იმას ნიშნავს, რომ 31 წლის ბერძენი სუპერვარსკვლავი დიდი გაცვლის ნაწილია.
იანისთან ერთად, მაიამიში ბობი პორტისიც გადაბარგდება, მათ სანაცვლოდ კი მილუოკი დრაფტის პირველი რაუნდის 3 პიკს, მეორე რაუნდის 2 პიკს, ტაილერ ჰიროს, კელელ უეირს, ხაიმე ხაკეს უმცროსს და კასპარასს იაკუჩიონისს მიიღებს.
შეგახსენებთ, რომ იანისი მილუოკიში 2013 წლის დრაფტიდან მოხვდა. NBA-ის ბოლო წლების ერთ-ერთმა გამორჩეულმა მოთამაშემ 2021 წელს ბაქსი 50-წლიანი პაუზის შემდეგ გააჩემპიონა, 2019 და 2020 წლებში კი იანისი სეზონის MVP გახდა.
