ცოტა ხნის წინ, ცნობილმა ინსაიდერმა, ფაბრიციო რომანომ, გაავრცელა ინფორმაცია იმის თაობაზე, რომ ნაპოლი ქართველი შემტევის, ხვიჩა კვარაცხელიას გაყიდვას ზაფხულში არ აპირებს.
მეტიც, კლუბი ახალ კონტრაქტს გაუფორმებს კვარაცხელიას და გამოსასყიდ თანხას ჩაუწერს, რაც დაახლოებით 130 მილიონი ევრო იქნება.
LaGazzetta.ge-ს ინფორმაციით, კვარაცხელიას მხარის პოზიცია სხვაგვარია. ჩვენი ცნობით, კვარაცხელიას მიმართ ინტერესს რამდენიმე ტოპ კლუბი იჩენს. კვარა და მისი აგენტები კი მზად არიან ყველა შესაძლო შეთავაზება განიხილონ და შეხედონ, რომელი გუნდი უფრო იაქტიურებს მის შესაძენად. ისინი სეზონის დასრულებას ელოდებიან, სადამდეც სულ 2 კვირაა დარჩენილი.
თუ რომელიმე ტოპ კლუბიდან შემოთავაზება ისეთი იქნება, რომ ორივე მხარისთვის მისაღები გამოვა, მაშინ კვარაცხელიას გაყიდვის შანსი ზაფხულშივე არის.
შეგახსენებთ, რომ ნაპოლის ლიდერის შეძენით ბარსელონა ინტერესდება, საუბარია პსჟ-ზეც. ფრანგები კვარას მბაპეს შემცვლელად მოიაზრებენ.
Serie A
შეხედავენ, რომელი გუნდი უფრო გააქტიურდება - როგორია კვარაცხელიას მხარის პოზიცია?
