მოგეხსენებათ, ვარშავაში გამართულ შეხვედრაში სამეფო კლუბმა ატალანტა 2:0 დაამარცხა და მორიგი ტიტული მოიპოვა.
ფედე ვალვერდე: "მოხარული ვარ, რომ გოლი გავიტანე. გოლის დროს, ვინისიუსის მოქმედება საოცარი იყო. ეს წლებისგან დაგროვილი შეთამაშებითაა გამოწვეული. ვიცოდი, რომ ვინი სწორ გადაწყვეტილებას მიიღებდა და საჯარიმოში შევედი. პირველი ნახევარი ცუდად ჩავატარეთ, თუმცა მეორეში თამაში გამოვასწორეთ.
პირველმა გატანილმა გოლმა სივრცეები გახსნა, ჩვენთვის თამაში უფრო გამარტივდა და კიდევ გავიტანეთ. ბოლოს, ცოტა დაღლილობა შეგვეტყო, რადგან სეზონის სტარტია. მთავარია, მოვიგეთ და ბედნიერები ვართ"
ტიბო კურტუა: "სეზონის ტიტულით დაწყება ჩვენთვის ძალიან მნიშვნელოვანი იყო. მეორე ნახევარში მეტოქეს აშკარად ვაჯობეთ და გამარჯვება დავიმსახურეთ. რაც შეეხება მბაპეს, კარგია, რომ მან პირველივე მატჩში გოლი გაიტანა, სამომავლო მატჩებში ეს ძალიან დაეხმარება"
