ლივერპულის ბანაკიდან ახალი, საკმაოდ არასასიამოვნო ინფორმაცია ვრცელდება. როგორც ცნობილი ხდება, კოდი გაკპომ სანაკრებო პაუზის დროს მძიმე ტრავმა მიიღო, რის გამოც გარკვეული პერიოდის განმავლობაში უქმად ყოფნა მოუწევს.
პირველადი ინფორმაციით, გაკპომ კოჭის დაზიანება მიიღო, რის გამოც რამდენიმე კვირის გამოტოვება მოუწევს. ანდონი ირაოლა იმედოვნებს, რომ ნიდერლანდელი ფეხბურთელი ვარჯიშს ოქტომბრის ბოლოსკენ მაინც განაახლებს.
სანაკრებო პაუზის დროს ტრავმა მიიღო ალექსანდერ ისაკმაც, თუმცა, ამ მომენტისთვის უცნობია, რა სახის დაზიანებასთან გვაქვს საქმე. შვედ ფორვარდს უახლოეს საათებში დამატებითი გამოკვლევები ჩაუტარდება, რის შემდეგაც ზუსტად გაირკვევა, როდის შეძლებს ის მოედანზე დაბრუნებას.
