2024 წლის პარიზის ოლიმპიურ თამაშებზე დღეს ორი საფეხბურთო მატჩი გაიმართა, რომელიც სენსაციების გარეშე დასრულდა.
არგენტინა ერაყს დაუპირისპირდა და მეტოქე მარტივად, 3:1 დაამარცხა. სამხრეთ ამერიკელების მხრიდან გოლები ალმადამ, გონდუმ და ეზეკილ ფერნანდესმა გაიტანეს, ხოლო ერაყიდან მეტოქის კარი ჰუსეინმა აიღო.
იმავე ანგარიშით დაამარცხა ესპანეთმა დომინიკის რესპუბლიკა და C ჯგუფში მეორე გამარჯვება ჩაიწერა აქტივში. ესპანეთის ოლიმპიური ნაკრებიდან თავი ლოპესმა, ბაენამ და გუტიერესმა გამოიჩინეს, ხოლო დომინიკელთა მხრიდან პრესტიჟის გოლი მონტეს დე ოკამ გაიტანა.
2 ტურის შემდეგ, არგენტინას 3 ქულა აქვს და B ჯგუფში მეორე ადგილზე იმყოფება, ხოლო ესპანეთის ოლიმპიური ნაკრები, 6 ქულით, A ჯგუფს ერთპიროვნულად ლიდერობს.
სენსაციების გარეშე — ესპანეთმა და არგენტინამ მარტივი გამარჯვებები მოიპოვეს
210543
