კასანო 19 წლის ნორვეგიელ შემტევზე, ანტონიო ნუსაზე საუბრობს და იტალიურ კლუბებს მის გადაბირებას ურჩევს.
"იტალიურ გუნდებს მივმართავ. გაიღვიძონ და მაქსიმალურად ბევრი ახალგაზრდა ფეხბურთელი წაიყვანონ, რადგან 2 წელიწადში მათი ფასი დიდი იქნება და წავლენ ინგლისში, გერმანიასა და ესპანეთში.
გამონაკლისი არის ჯუნტოლი (ნაპოლის ყოფილი დირექტორი), რომელმაც სასწაული მოახდინა და ნაპოლიში ხვიჩა კვარაცხელია წაიყვანა. კვარაცხელიას ძალიან ჰგავს ანტონიო ნუსა, რომელსაც კარგი მონაცმეები აქვს, კიდევ განვითარდება და სანამ დროა, იტალიურმა კლუბებმა აუცილებლად უნდა წაიყვანონ!", - განაცხადა კასანომ.
ნუსას კომენტარი LaGazzetta.ge-სთან - იხილეთ ვიდეო
ნუსა ამჟამად ბრიუგეს ფეხბურთელია და 2023 წლის სექტემბერში ნორვეგიის ნაკრებთან ერთად საქართველოს ნაკრების წინააღმდეგ ბრწყინვალე მატჩიც ჩაატარა. ნორვეგიამ 2:1 მოიგო, ნუსამ 2 საგოლე გადაცემა გააკეთა.
LaGazzetta.ge-სთან, ნორვეგიელმა ტალანტმა ხვიჩა კვარაცხელიას შესახებ ისაუბრა.
"კვარაცხელიას თვალს ვადევნებ, ის დიდებული ფეხბურთელია, სასიამოვნოა მის წინააღმდეგ თამაში, რადგან ის ძალიან მაგარია, განსაკუთრებით გამოირჩეოდა ჩემპიონთა ლიგის გასულ სეზონში, შესაბამისად, მას ყურადღებით ვაკვირდები. მასთან დაპირისპირება ძალიან სასიამოვნო იყო".
