დღეს, საქართველოს სუპერთასის ნახევარფინალური შეხვედრები გაიმართა. ორივე მატჩი საკმაოდ საინტერესო და დაძაბული გამოდგა.
იბერიამ დინამო თბილისს უმასპინძლა და მინიმალური ანგარიშით 1:0 დაამარცხა. ერთადერთი გოლი ვახო ბედოშვილმა გაიტანა.
დინამო თბილისს ამ მატჩში ბევრი მომენტი ჰქონდა, თუმცა საქმე გოლამდე არ მისულა. ბოლო წუთებზე ნიკა ნინუამ ბურთი ძელს გაარტყა.
გორში გამართული მატჩი დილასა და ტორპედოს შორის, ქუთაისელთა გამარჯვებით 0:1 დასრულდა. დაძაბული თამაშის ბოლო წუთებზე შეცვლაზე შემოსული დიეგო დეისაძის საგოლე გადაცემით მამუჩაშვილმა გაიტანა. მატჩის გმირი ოთო გოშაძე იყო. ტორპედოს მეკარემ საოცარი სეივები შემოგვთავაზა.
სუპერთასის ფინალური მატჩი იბერიასა და ტორპედოს შორის, 1 ივლისს გაიმართება.
